Gereformeerde Kerk Potchefstroom en Gereformeerde Kerk Cachet het 'n baie goeie verhouding en werk op verskeie gebiede saam

GESAMENTLIKE EREDIENSTE TYDENS UNIVERSITEITSVAKANSIES
Tydens universiteitsvakansies hou ons gesamentlike eredienste in die kerkgebou van Geref Kerk Potchefstroom, waarby albei kerkrade betrokke is.

Die predikante sal ‘n preekrooster opstel, wat ook in ag sal neem sake
soos gewone verlof, langverlof en ander verpligtinge in die kerkverband.

Indien die predikant(e) van ‘n bepaalde gemeente op verlof is, is die predikant wat die Sondag die eredienste waarneem, ook die week verantwoordelik vir pastorale besoeke in albei gemeentes, die lei van begrafnisse en hospitaalbesoeke. Dit geskied na oorlegpleging met die plaaslike predikant (e).

Die moontlikheid bestaan dat daar per geleentheid, met goedkeuring deur die kerkrade, ook ruildienste sal plaasvind tussen die twee gemeentes, wat onderling tussen die predikante gereël kan word.

31 Augustus 2008 - Cachet hanteer albei eredienste.
28 September 2008 – Vakansie, gesamentlik, Cachet albei eredienste
26 Oktober 2008 - Oggend Cachet, aand gesamentlike Hervormingsdiens in Cachet.

UITREIKE EN AKSIES
Gereformeerde Kerk Cachet het tans verskeie uitreike en aksies. Indien sodanige aksies hulp benodig, kan die aksies die inligting in die Kerkwerf van GK Potchefstroom plaas. Lidmate van GK Potchefstroom word aangemoedig om betrokke te raak om sodanige aksies te ondersteun in die lig van kontinuiteit.
Die predikant van Gereformeerde Kerk Potchefstroom sal behulpsaam wees met die aanbieding van die eerstejaarskamp wat aan die begin van elke jaar gehou word.