Op die Kerkwerf

Sondag 30 Oktober 2011:

Die volledige Op die Kerkwerf is ook beskikbaar om af te laai - kliek hier.

Op die Kerkwerf is ons weeklikse nuusblad wat elke Sondag verskyn. Indien jy inligting in Op die Kerkwerf wil plaas, kontak gerus die redakteur Rudy van der Spoel.

EREDIENS

OGGEND:

Sang wat tot erediens lei: Skrifberymings 1 – 3 en 1 – 4 Sien bl 4
Ontmoetingsdiens
Votum en Groetseën
Lofpsalm: Psalm 46: 1, 3 en 6
Geloofsbelydenis Psalm 131: 3
Verootmoedigings- en Versoeningsdiens
Wet. Psalm 119: 3
Woorddiens
Gebed gerig op Woordbediening
Skriflesing: 1 Korintiërs 1: 18 - 31

Teks: 1 Korintiërs 1: 29 - 31
TEMA: Aan God die eer en roem vir ons genadige verlossing in Jesus Christus, want elkeen wie in Hom glo, sal die ewige lewe beërwe.
Antwoorddiens
Gebed
Liefdegawe as antwoord van dankbaarheid op die Woorddiens Psalm 48: 4 en 5. Wegstuurseën

AANDEREDIENS VANAAND

Vir baie jare is dit die gebruik dat die Gereformeerde Kerk Cachet al die Gereformeerde gemeentes in Potchefstroom uitnooi vir 'n erediens die Sondag naaste aan 31 Oktober. Die datum herinner ons aan 31 Oktober 1517, die begin van die hervorming toe Maarten Luther die 95 stellinge teen die dwaalleer van die Rooms-Katolieke kerk teen die kerkdeur van Wittenberg vasgespyker het. Die erediens begin om 19:00 in die NWU Ouditorium. Daar sal nie 'n erediens in die aand in ons kerkgebou wees nie

LIEF EN LEED

Margaretha Kirsten sterk goed gaan na haar voetoperasie.

Hita Swart sterk aan in die versorgingseenheid van Huis Eikelaan na haar heupvervangingsoperasie.

Rina Langerak het weer chemoterapie ontvang.

Dini Etten herstel baie geleidelik na die beroerte.

Fred Pelser ondervind ernstige gesondheidprobleme.

Janette Vermaak het 'n oogoperasie ondergaan.

Kotie Bisschoff is uit die hospitaal ontslaan nadat sy daar behandeling ontvang het.

Marie van den Berg het haar 4de chemobehandeling ontvang. Sy moet nog 2 behandelings ontvang nl 15 November en 6 Desember. Ons wens haar en Jan baie sterkte toe.

Sophie van der Walt se broer in Lichtenburg is oorlede en is afgelope week begrawe.

Ons vra u voorbidding vir almal wat siek is. Mag die Here hulle bystaan en dra in sy genade

Baie geluk aan Lourens Jordaan wat einde September sy vaktoets afgelë en geslaag het. Hy is nou 'n gekwalifiseerde werktuigkundige van die mees gevorderde Mercedes Benz motors.

VERJAARSDAE

Ons wens al ons doop- en belydende lidmate wat hierdie week verjaar 'n geseënde dag toe. Mag die nuwe lewensjaar vir u veel seën en vreugde bring.

30 Oktober	Elean Coetsee
31 Oktober	Lina Minnaar Cathrien de Jager
1 November	Annariet Mentz Annette de Klerk
3 November	Pieter Stoker
4 November	Annatjie Kruger Miekie Coetzee
5 November	Karlene van den Berg Frieda van der Walt

VAN ALLES EN NOG WAT

KOLLEKTES: Vandag en volgende Sondag. Onder die erediens vir barmhartigheid. By die deure in die oggend vir die Bybelverspreiding.
Volgende week in die oggend vir ons plaaslike Jeugaksies.

Kollekte in die aand by die deure vir die instandhouding van die erediens.
KATEGESE Kategese vandag Les 26. Vir vandag moes die kinders Psalm 45: 9 leer. Ons sluit vandag af met kategese, volgende Sondagoggend is die uitdeling van sertifikate vir bywoning van 80% en meer.

VERGADERINGS
Woensdag 2 November om 18:30 Kategesekommissie in die kerksaal. Almal wat kategese gee moet asseblief die vergadering bywoon.
Rapporte en agendastukke vir die Kerkraad en Diakonievergadering van 13 November moet ds Peet of die skriba eerskomende Donderdag bereik.

BYBELSTUDIES
Dinsdag Bybelstudie te Huis Eikelaan om 15:00 olv van prof Paul de Bruyn.
Donderdag Bybelstudie Donderdag om 9:30 in die kerksaal oor Romeine.

BYBELSKOOL
Ons Bybelskool het Woensdag 19 Oktober begin en sal nog twee Woensdae ( 2 en 9 November) plaasvind. Die Bybelskool word gelei deur prof Gert Breed met die tema: “Jy het deel aan die heerlike bediening van die Drie-enige God” As professor in praktiese teologie fokus hy op die feit dat elke lidmaat in diens staan en geroepe is om met elkeen se gawes deel te wees om God te eer. Hierdie Bybelskool is bedoel vir elke lidmaat en u behoort moeite te doen om dit by te woon. 'n Donasie van R 20 per persoon word gevra om onkostes te help delg

ADRES:
Walter Sisulu 33
Potchefstroom

DIENSTYE:
Januarie tot Desember
09:30 en 18:00

PREDIKANT:
Ds PA Coetzee
Tel: 018 294 6046

KERKKANTOOR:
Maurylaan
Betsie Coetzee
018 294 4600

PREEKDUPLISERING
Hessel Turkstra

Gereformeerde Kerk Potchefstroom 2008-2011