Gereformeerde Kerk Potchefstroom > Preke

Eredienste - 28 Februarie 2016

EREDIENSTE Oggend ds Ronald Bain, aand ds Willem Vogel

OGGEND

Laai preek af

Skriflesing: 1 Samuel 26: 1 - 25

Teks: 1 Samuel 26: 19, 20

TEMA: Die kerk is die HERE se erfdeel

In die teksgedeelte en op ander plekke lees ons dat die kerk die Here se erfdeel is.
Wat sou dit tog beteken? Kan die Almagtige aan wie alles behoort iets erf?
Die Bybel leer ons: die HERE se volk se blyplek is ook God se blyplek.
Daar wil God vir ewig woon – onder sy volk.
Dit is Dawid se grootste hartseer! Saul verdryf hom uit die HERE se erfdeel.
Dit is ook Dawid se sonde - dat hy hom laat verdryf het weg van die Here se aangesig.
Ons ewige Koning word buite die stad gedood en hang weg van God se aangesig aan die kruis.
So laat kom Hy 'n nuwe hemel en aarde en roep ons om op aarde te bly werk.
Sodoende bevestig Christus dat die Here se volk plek en ruimte kry om Hom te aanbid.
Dit leer ons baie van die kerk se roeping en hoe dit moet plaasvind.
Dit leer ons baie van roeping en ruimte.
Waar het God jou geroep om deel van sy erfdeel te wees?

AAND

Laai preek af

Skriflesing: Jesaja 40: 1 – 11

Teks: vers 9, 10

TEMA: Waar is God? By sy volk.

Waar is God as mense Hom nodig het?
Waar is Hy in: nood, beproewings, hartseer bekommernis, oorloë, natuurrampe ens.? Die mens bly soek.
Wat antwoord die Here?
Die uitkoms is hier.
Die goeie tyding is dat die swaarkry verby is.
Mense is swak en nietig.
Maar, God is hier. God is by sy volk. God is deur sy Gees in ons. Hy versorg ons soos 'n herder. Sy Seun is die Goeie Herder wat Sy lewe aflê vir Sy skape.